ന്യൂഡല്ഹി : കാര്ബണ് മോണോക്സൈഡ് വാതകം ശ്വസിച്ച് 13 വയസ്സുകാരി മരണപ്പെട്ടു. ഡല്ഹിയിലെ ദ്വാരകയിലാണ് സംഭവം. ബാത്ത്റൂമിലെ ഹീറ്ററില് നിന്നാണ് കാര്ബണ് മോണോക്സൈഡ് ചോര്ന്നതെന്ന് ഡല്ഹി പോലീസ് പറഞ്ഞു. ബാത്ത്റൂമില് കുളിക്കാന് കയറിയ കുട്ടിയെ ഏറെ നേരം കഴിഞ്ഞിട്ടും കാണാതായതോടെ വീട്ടുകാര് അന്വേഷിപ്പോഴാണ് ബോധരഹിതയായ നിലയില് കണ്ടെത്തിയത്. ഉടന് ആശുപത്രിയില് എത്തിച്ചെങ്കിലും മരണപ്പെടുകയായിരുന്നു.
ഏഴാം ക്ലാസ് വിദ്യാര്ഥിനിയായ മകള് ഓണ്ലൈന് ക്ലാസിന് ശേഷം ഉച്ചക്ക് 2.30ന് കുളിക്കാന് വേണ്ടി ബാത്ത്റൂമില് കയറിയതാണെന്നും ഒരു മണിക്കുര് കഴിഞ്ഞിട്ടും മകളെ കാണാതായപ്പോള് വാതില് തല്ലിത്തകര്ത്ത് അകത്തേക്ക് കയറിയതാണെന്നും കുട്ടിയുടെ പിതാവ് പറഞ്ഞു. ഉടന് തന്നെ ആശുപത്രിയിലേക്കെത്തിച്ചിരുന്നെന്നും അദേഹം കൂട്ടിച്ചേര്ത്തു. ബാത്ത്റൂമില് വെള്ളം ചൂടാക്കാനുപയോഗിച്ചിരുന്ന ഉപകരണത്തില് നിന്ന് ചോര്ന്ന കാര്ബണ് മോണോക്സൈഡ് വാതകം ശ്വസിച്ചതാണ് മരണകാരണമെന്ന് പോസ്റ്റ്മോര്ട്ടം റിപ്പോര്ട്ടിലുണ്ടെന്ന് പോലീസ് പറഞ്ഞു.
