തിരൂര് : ഏഴു വയസ്സുകാരിയെ പീഡിപ്പിച്ച കേസില് പ്രതിക്ക് 13 വര്ഷം കഠിനതടവും 50,000 രൂപ പിഴയും ശിക്ഷ വിധിച്ചു.പൊന്നാനി നടുവിലെ വീട്ടില് ശ്രീനിവാസനെയാണ് (51) കോടതി ശിക്ഷിച്ചത്. 2018ലാണ് കേസിനാസ്പദമായ സംഭവം. പൊന്നാനി പൊലീസ് സ്റ്റേഷനില് രജിസ്റ്റര് ചെയ്ത കേസില് തിരൂര് സ്പെഷല് ഫാസ്റ്റ്ട്രാക്ക് കോടതി ജഡ്ജി സി.ആര് ദിനേശാണ് പ്രതിക്ക് വിവിധ വകുപ്പുകളിലായി ശിക്ഷ വിധിച്ചത്. പൊന്നാനി പോലീസ് സബ് ഇന്സ്പെക്ടറായിരുന്ന പി.ജി. അനൂപ് ആണ് കേസന്വേഷണം നടത്തി കുറ്റപത്രം സമര്പ്പിച്ചത്. പ്രോസിക്യൂഷന് വേണ്ടി സ്പെഷല് പബ്ലിക് പ്രോസിക്യൂട്ടര്മാരായ മാജിദ അബ്ദുല് മജീദ്, അയിഷ പി ജമാല് എന്നിവര് ഹാജറായി.
