കൊച്ചി : പതിനഞ്ചുകാരിക്ക് മദ്യം നല്‍കി പീഡനത്തിനിരയാക്കിയ കേസില്‍ 19കാരന്‍റെ ജാമ്യാപേക്ഷ തള്ളി. വൈപ്പിന്‍ എളങ്കുന്നപ്പുഴ സ്വദേശി അശ്വിന്‍ ജിക്സന്‍റെ ജാമ്യാപേക്ഷയാണ് എറണാകുളം പോക്സോ കോടതി തള്ളിയത്. കഴിഞ്ഞ മാസമായിരുന്നു കേസ്സിനാസ്പദമായ സംഭവം. പെണ്‍കുട്ടിയുമായി അടുപ്പം സ്ഥാപിച്ച പ്രതി വീട്ടില്‍ അതിക്രമിച്ച്‌ കയറി പ്രലോഭിപ്പിച്ച്‌ മദ്യം നല്‍കി പീഡനത്തിനിരയാക്കുകയായിരുന്നു.
തുടര്‍ന്ന് പെണ്‍കുട്ടിയുടെ മൊഴിയില്‍ കേസെടുത്ത പോലീസ് പ്രതിയെ അറസ്റ്റ് ചെയ്യുകയായിരുന്നു. പ്രതി പെണ്‍കുട്ടിയെ നിരവധി തവണ ഇത്തരത്തില്‍ പീഡിപ്പിച്ചതായാണ് വിവരം. പെണ്‍കുട്ടിയുടെ രഹസ്യ മൊഴി കഴിഞ്ഞ ദിവസം മജിസ്ട്രേറ്റ് രേഖപ്പെടുത്തിയിരുന്നു. മുളവുകാട് പോലീസ് രജിസ്റ്റര്‍ ചെയ്ത കേസില്‍ ഇപ്പോള്‍ വടക്കേക്കര പോലീസാണ് അന്വേഷണം നടത്തുന്നത്.
