കൊല്ലം : സ്കൂളില് യൂണിഫോമിന് അളവെടുക്കാന് വന്നയാള് പെണ്കുട്ടികളോട് അപമര്യാദയായി പെരുമാറിയതായി പരാതി. പ്രതി ശൂരനാട് വടക്ക് സ്വദേശി ലൈജു ഡാനിയലിനെ അറസ്റ്റ് ചെയ്തു റിമാന്റ് ചെയ്തു. ശാസ്താംകോട്ടയിലെ സര്ക്കാര് സ്കൂളിലാണ് സംഭവം. കുട്ടികള്ക്ക് യൂണിഫോമിന് അളവെടുക്കാന് പി.ടി.എ നിയോഗിച്ചതാണ് ലൈജു ഡാനിയലിനെ. അളവെടുക്കുന്നതിനിടെ ഇയാള് കുട്ടികളുടെ ശരീര ഭാഗങ്ങളില് തൊട്ട് അശ്ലീല ചുവയോടെ സംസാരിച്ചു എന്നാണ് പരാതി. സ്കൂളില് നിന്ന് യൂണിഫോമിനുള്ള തുണി മാത്രമാണ് വിതരണം ചെയ്യുന്നത്. ഈ സാഹചര്യത്തില് എന്തിനാണ് കുട്ടികളുടെ അളവെടുക്കുന്നത് എന്ന ചോദ്യം രക്ഷകര്ത്താക്കള് ഉന്നയിക്കുന്നു.
വിതരണം ചെയ്ത തുണിയുടെ അളവ് കുറഞ്ഞ് പോയതിനാലാണ് കുട്ടികളുടെ അളവെടുക്കാന് ആളെ നിയോഗിച്ചതെന്ന് പി.ടി.എ അധികൃതര് പറഞ്ഞു. രക്ഷകര്ത്താക്കള് പോലീസില് പരാതി നല്കിയതിന് ശേഷമാണ് സ്കൂള് അധികൃതര് പരാതിയുമായി എത്തിയത് എന്നും ആക്ഷേപമുണ്ട്. കേസ് രജിസ്റ്റര് ചെയ്ത ശൂരനാട് പോലീസ് പ്രതിയെ കസ്റ്റഡിയില് എടുത്തു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
