പാലാ : ഈരാറ്റുപേട്ട അമ്പാറനിരപ്പേൽ വീട്ടിൽ നിന്നും കാണാതായ പ്ലസ് വൺ വിദ്യാർത്ഥിനിയെ തിരുവനന്തപുരത്ത് നിന്നും കണ്ടെത്തി. ഈരാറ്റുപേട്ട പോലീസ് നടത്തിയ അന്വേഷണത്തിലാണ് പെൺകുട്ടിയെ തിരുവനന്തപുരത്തു നിന്നും കണ്ടെത്തിയത്. ഉച്ച മുതൽ സമൂഹ മാധ്യമങ്ങളിൽ കുട്ടിയെ കണ്ടെത്തിയതായി വാർത്ത പ്രചരിച്ചെങ്കിലും സ്ഥിരീകരണമില്ലായിരുന്നു.
ഈരാറ്റുപേട്ട ഭരണങ്ങാനം മേലമ്പാറ വിഷ്ണുപ്രിയ (കല്യാണി)യെയാണ് കാണാതായത്. ജനുവരി 26 ന് പുലർച്ചെ ഏഴിന് കാണാതായതെന്നായിരുന്നു പോലീസിൽ ബന്ധുക്കൾ നൽകിയ പരാതി. തുടർന്നു ഈരാറ്റുപേട്ട പോലീസ് നടത്തിയ അന്വേഷണത്തിലാണ് പെൺകുട്ടിയെ കണ്ടെത്തിയത്. കൂടുതൽ വിവരങ്ങൾ അറിവായി വരുന്നതേയുള്ളൂ.