രാജപുരം : കാണാതായ ബിരുദാനന്തര ബിരുദ വിദ്യാര്ത്ഥിനിയുടെ മൃതദേഹം തോട്ടില് കണ്ടെത്തി. രാജപുരം പൂടുംകല്ല്, കരിച്ചേരി ഹൗസിലെ നാരായണന്റെ മകള് ശ്രീലക്ഷ്മി നാരായണന്റെ (26) മൃതദേഹമാണ് കൊട്ടോടിപുഴയില് ചേരുന്ന ചുളിളക്കര ചാലിങ്കാല് തോട്ടില് കണ്ടെത്തിയത്.
ശനിയാഴ്ച വൈകുന്നേരം അഞ്ച് മണിയോടെയാണ് വീട്ടില് വെച്ച് ശ്രീലക്ഷ്മിയെ കാണാതായത്. ബന്ധുവീടുകളിലും മറ്റും അന്വേഷിച്ചെങ്കിലും കണ്ടെത്താന് കഴിയാത്തതിനെ തുടര്ന്നാണ് പോലീസില് പരാതി നല്കിയത്. കേസെടത്ത് പോലീസ് അന്വേഷണം നടത്തി വരികയായിരുന്നു. പുഴയിലും തോടുകളിലും പോലീസും നാട്ടുകാരും തിരച്ചില് നടത്തിവരുന്നതിനിടയിലാണ് മൃതദേഹം ചാലിങ്കാല് തോട്ടില് ഞായറാഴ്ച രാവിലെ 11.30 മണിയോടെ കണ്ടെത്തിയത്.
ഗുജറാത്തില് പി ജി അഗ്രികള്ച്ചറല് കോഴ്സിന് പഠിച്ചു കൊണ്ടിരിക്കുന്ന ശ്രീലക്ഷ്മി കോവിഡിനെ തുടര്ന്ന് ലോക്ക്ഡൗണ് പ്രഖ്യാപിച്ചതിനാലാണ് നാട്ടിലെത്തിയത്. പോലീസ് സ്ഥലത്തെത്തി ഇന്ക്വസ്റ്റ് നടപടികള് പൂര്ത്തിയാക്കി പരിയാരം കണ്ണൂര് മെഡിക്കല് കോളേജിലേക്ക് പോസ്റ്റുമോര്ട്ടത്തിനായി മാറ്റും.
