കാലാവസ്ഥ പ്രതികൂലം, കാണാതായ വാച്ചര്‍ക്കായുള്ള തെരച്ചില്‍ പൂര്‍ത്തിയാക്കാന്‍ സാധിച്ചില്ല

പാലക്കാട് : സൈലന്റ് വാലിയിലെ സൈരന്ധ്രിവനത്തില്‍ കാണാതായ വനംവകുപ്പ് വാച്ചറെ കണ്ടെത്താന്‍ പോലീസിന്റെ സ്പെഷ്യല്‍ ഡ്രൈവ് കാലാവസ്ഥാ പ്രതികൂലമായത് മൂലം തടസ്സപ്പെട്ടു. തണ്ടര്‍ബോള്‍ട്ട് സംഘം നടത്തുന്ന പ്രത്യേക പരിശോധനയാണ് മുടങ്ങിയത്. കാട്ടുവഴി ഒഴിവാക്കിയാണ് തെരച്ചിലിന് ഒരുങ്ങിയത്. രാജന്‍ കാട്ടില്‍ നിന്ന് പുറത്തിറങ്ങിയതിന് തെളിവില്ലെന്ന പോലീസ് നിഗമനം ആണ് വീണ്ടും കാട്ടില്‍ പരിശോധനയ്ക്ക് ഇറങ്ങാന്‍ കാരണം. വനംവകുപ്പ് രണ്ടാഴ്ച വ്യാപക പരിശോധന നടത്തി, വന്യമൃഗങ്ങളുടെ ആക്രമണം ഉണ്ടായിട്ടില്ല എന്നാണ് വിലയിരുത്തിയത്. രാജന്റെ ഫോണ്‍ പരിശോധിച്ച്‌, സുഹൃത്തുക്കള്‍, ബന്ധുക്കള്‍ എന്നിവരില്‍ നിന്നും പോലീസ് വിവരം തേടി. മെയ് മൂന്നിനാണ് രാജനെ സൈലന്റ് വാലി കാട്ടില്‍ കാണാതായത്.