ഇടുക്കി : കാണാതായ യുവതിയുടെ മൃതദേഹം അയല്വാസിയുടെ അടുക്കളയില് കുഴിച്ചു മൂടിയ നിലയില്. 3 ആഴ്ച മുന്പു കാണാതായ പണിക്കന്കുടി വലിയപറമ്പില് സിന്ധു(45)വിന്റെ മൃതദേഹം കണ്ടെത്തി. സിന്ധുവിനെ കൊലപ്പെടുത്തി സമീപവാസിയായ മാണിക്കുന്നേല് ബിനോയിയുടെ അടുക്കളയില് കഴിച്ചു മൂടിയ നിലയിലാണ് കണ്ടെത്തിയത്. ബിനോയി ഒളിവിലാണ്.
കഴിഞ്ഞ 12 മുതലാണ് സിന്ധുവിനെ കാണാതായത്. കാമാക്ഷി സ്വദേശിനിയായ സിന്ധു പണിക്കന്കുടിയില് വാടക വീടെടുത്ത് ഇളയ മകനോടൊപ്പം താമസിച്ചു വരികയായിരുന്നു. അന്വേഷണം നടക്കുന്നതിനിടെ അയല്ക്കാരനായ ബിനോയി ഒളിവില് പോയി.
ഇതാണ് സിന്ധുവിന്റെ ബന്ധുക്കളുടെ ആരോപണം ശക്തിപ്പെടുത്തിയത്. സിന്ധുവിനെ കാണാതായതിന്റെ തലേന്ന് ഇവിടെ വഴക്ക് ഉണ്ടായതായും ബന്ധുക്കള് പറയുന്നു. വെള്ളത്തൂവല് പോലീസ് സംഭവ സ്ഥലത്ത് എത്തി.
