തിരുവനന്തപുരം; സി.പി.ഐ.എം കെ.കെ രമയ്ക്കെതിരെ അസഭ്യവര്ഷം ചൊരിയുന്നുവെന്ന് ടി.സിദ്ദിഖ് എംഎല്എ. സമൂഹ മാധ്യമങ്ങളില് അണികളും എം.വി ഗോവിന്ദനും രമയെ ആക്രമിക്കുകയാണ്. എം.വി ഗോവിന്ദന് ഓര്ത്തോ ഡോക്ടറുടെ പണിയെടുക്കരുതെന്നും അദ്ദേഹം പറഞ്ഞു. അതേസമയം കെ.കെ.രമ എംഎല്എയുടെ പരുക്കില്ലാത്ത കൈയ്ക്കാണ് പ്ലാസ്റ്റര് ഇട്ടതെന്ന് കഴിഞ്ഞ ദിവസം എം.വി.ഗോവിന്ദന് പറഞ്ഞിരുന്നു. എന്നാല് തന്റെ കയ്യില് പ്ലാസ്റ്ററിടാന് നിര്ദേശിച്ചത് ജനറല് ആശുപത്രിയിലെ ഡോക്ടര്മാരാണെന്ന് കെ.കെ.രമയും വ്യക്തമാക്കി.
അതേസമയം, കയ്യില് എന്തിനാണ് പ്ലാസ്റ്ററിട്ടതെന്ന് പറയേണ്ടത് ഡോക്ടറാണെന്ന് കെ കെ രമ പറഞ്ഞു. ഡോക്ടര് എക്സറേ പരിശോധിച്ചാണ് പ്ലാസ്റ്ററിട്ടത്. ഇത് ചെയ്തത് പരസ്യമായിട്ടാണെന്നും കെ കെ രമ വിശദീകരിച്ചു. ഏത് ആധികാരികതയുടെ വെളിച്ചത്തിലാണ് പൊട്ടലില്ലെന്ന് പറഞ്ഞതെന്നും കെ കെ രമ ചോദിച്ചു. നിയമസഭാ സംഘര്ഷത്തില് സച്ചിന് ദേവ് എംഎല്എക്കെതിരെ കെ കെ രമ എംഎല്എ സ്പീക്കര്ക്കും സൈബര് സെല്ലിനും പരാതി നല്കിയിട്ടുണ്ട്. നിയമ സഭാ സംഘര്ഷത്തില് തനിക്കെതിരെ വ്യാജ പ്രചരണം നടത്തുന്നുവെന്ന് എന്ന് രമ ആരോപിച്ചു.