തിരുവനന്തപുരം : സി.പി.എം ഇടുക്കി ജില്ലാ സെക്രട്ടറി സി.വി വര്ഗീസിന്റെ കൊലവിളി പ്രസംഗത്തിന് പിന്നാലെ കെ.പി.സി.സി അധ്യക്ഷന് കെ.സുധാകരന് മുന്നറിയിപ്പുമായി മുന് മന്ത്രി എം.എം മണി. ധീരജ് വധക്കേസിലെ പ്രതികളെ ദൈവം വിചാരിച്ചാലും രക്ഷിക്കാന് കഴിയില്ലെന്ന് എം.എം മണി പറഞ്ഞു. കേസ് നിയമപരമായി കൈകാര്യം ചെയ്യും. പ്രതികള് ജയിലില് കിടക്കും. അതിന് കഴിഞ്ഞില്ലെങ്കില് തങ്ങള് എന്ത് ചെയ്യുമെന്ന് കെ.സുധാകരന് അറിയാം. കണ്ണൂരില് നിന്നല്ലേ സുധാകരന് വരുന്നതെന്നും മണി ചൂണ്ടിക്കാട്ടി. സുധാകരന് സി.പി.എം നേതാക്കളെ പേരെടുത്ത് പറഞ്ഞ് ആക്ഷേപിച്ചു. സുധാകരന് പറഞ്ഞതിന് തക്ക മറുപടി നല്കിയിട്ടില്ല. ധീരജ് വധക്കേസില് നിയമം നിയമത്തിന്റെ വഴിയില് പോകുമെന്ന വിശ്വാസമാണുള്ളതെന്നും എം.എം മണി മാധ്യമങ്ങളോട് പറഞ്ഞു.
കെ.സുധാകരനെതിരെ കൊലവിളി പ്രസംഗവുമായി സി.പി.എം ഇടുക്കി ജില്ല സെക്രട്ടറി സി.വി വര്ഗീസ് ആണ് രംഗത്തെത്തിയത്. കെ.സുധാകരന്റെ ജീവിതം സി.പി.എം നല്കുന്ന ഭിക്ഷയാണെന്നാണ് ചെറുതോണിയില് സംഘടിപ്പിച്ച പരിപാടിയില് വര്ഗീസ് പറഞ്ഞത്. ഒരു നികൃഷ്ടജീവിയെ കൊല്ലാന് താല്പര്യമില്ലായെന്നും ജില്ല സെക്രട്ടറി കൂട്ടിച്ചേര്ത്തു. കഴിഞ്ഞ ദിവസം കോണ്ഗ്രസിന്റെ നേതൃത്വത്തില് സര്ക്കാറിന്റെ ഭരണപരാജയത്തിനെതിരെ ചെറുതോണിയില് പൊതുയോഗം സംഘടിപ്പിച്ചിരുന്നു.
ഇതിന് പിന്നാലെ സി.പി.എം നടത്തിയ പരിപാടിയിലാണ് സുധാകരനെതിരെ വിവാദ പരാമര്ശം ഉയര്ന്നത്. ഇടുക്കി എന്ജിനീയറിങ് കോളജ് വിദ്യാര്ഥിയായ ധീരജിന്റെ കൊലപാതകത്തെ തുടര്ന്ന് പ്രദേശത്ത് സി.പി.എം – കോണ്ഗ്രസ് പോര് രൂക്ഷമാണ്. ധീരജ് വധത്തിന് പിന്നില് പ്രവര്ത്തിച്ചത് ഇപ്പോള് അറസ്റ്റിലായ കെ.എസ്.യു – യൂത്ത് കോണ്ഗ്രസ് പ്രവര്ത്തകരല്ലെന്നും കെ.സുധാകരന് നിലപാടെടുത്തിരുന്നു.
