തിരുവനന്തപുരം: മൊബൈല് ആപ്പ് വഴി വായ്പ നല്കി തട്ടിപ്പു നടത്തുന്ന സംഘങ്ങളുടെ പ്രവര്ത്തനം ക്രൈംബ്രാഞ്ച് അന്വേഷിക്കുമെന്നു ഡിജിപി ലോക്നാഥ് ബെഹ്റ അറിയിച്ചു. ഹൈടെക് ക്രൈം എന്ക്വയറി സെല് അന്വേഷണത്തില് പോലീസിനെ സഹായിക്കും. തട്ടിപ്പിനു പിന്നില് വിദേശികള് ഉള്പ്പെടെയുള്ള സംഘമാണു പ്രവര്ത്തിക്കുന്നത്. മറ്റു സംസ്ഥാനങ്ങളില് നിന്നുള്ളവരും ഇതിനു പിന്നിലുണ്ട്. ഈ സാഹചര്യത്തില് ഇന്റര്പോള്, സിബിഐ എന്നിവയുടേയും സഹായം തേടുമെന്നും ഡിജിപി അറിയിച്ചു.
മൊബൈല് ആപ്പ് ഉപയോഗിച്ച് വായ്പ എടുത്തവരില് ചിലര് അമിതപലിശ കാരണം പണം തിരിച്ചടയ്ക്കാനാവാതെ ആത്മഹത്യ ചെയ്ത സംഭവങ്ങള് ശ്രദ്ധയില്പ്പെട്ടതിനെ തുടര്ന്നാണു തീരുമാനം.
