പത്തനംതിട്ട : മൊബൈല് ഫോണ് റീടെയിലേഴ്സ് അസോസിയേഷന് കേരള (MPRAK) പത്തനംതിട്ട നഗരസഭാ യൂണിറ്റ് രൂപീകരിച്ചു. അസോസിയേഷന് ജില്ലാ പ്രസിഡന്റ് മുഹമ്മദ് ഫാറൂഖ് രൂപീകരണ യോഗം ഉദ്ഘാടനം ചെയ്തു. ജില്ലാ സെക്രട്ടറി അനസ് കുമ്മണ്ണൂര് അധ്യക്ഷത വഹിച്ചു. അഡ്വ. ഷജിന് പി.എസ് യോഗത്തിന് സ്വാഗതം ആശംസിച്ചു.
ജില്ലാ ട്രഷറര് നോയല് മാത്യു മൊബൈല് വ്യാപാരികള് നേരിടുന്ന വിവിധ വിഷയങ്ങള് വിവരിച്ചു. ഓണ്ലൈന് വ്യാപാരം വ്യാപകമായതോടെ മൊബൈല് ഷോപ്പുകളുടെ പ്രവര്ത്തനം വന് പ്രതിസന്ധിയിലാണെന്നും അദ്ദേഹം പറഞ്ഞു. തുടര്ന്ന് നടന്ന തെരഞ്ഞെടുപ്പില് പ്രസിഡന്റ് കണ്ണന്, സെക്രട്ടറി സോണി, ട്രഷറര് അജയ്, എന്നിവരെ യോഗം തെരഞ്ഞെടുത്തു.