കുടുംബപാ‍ർട്ടികൾ എങ്ങനെ ജനാധിപത്യം സംരക്ഷിക്കും ; ഭരണഘടനാ ദിനത്തിൽ വിമ‍ർശനവുമായി മോദി

ന്യൂഡല്‍ഹി : ഭരണഘടനാ ദിനാഘോഷത്തിനിടെ കോൺ​ഗ്രസ് അടക്കം കുടുംബാധിപത്യം നിലനിൽക്കുന്ന പാർട്ടികളെ പരോക്ഷമായി വിമ‍ർശിച്ച് പ്രധാനമന്ത്രി നരേന്ദ്രമോദി. പാർലമെന്‍റിൽ വെച്ചു നടന്ന ഭരണഘടനാദിനാഘോഷ ചടങ്ങിൽ പങ്കെടുത്ത് സംസാരിക്കുമ്പോൾ ആണ് പ്രധാനമന്ത്രി ഇന്ത്യൻ രാഷ്ട്രീയത്തിൽ കുടുംബാധിപത്യത്തിനെതിരെ രൂക്ഷവിമർശനം ഉയർത്തിയത്.  രാഷ്ട്രപതി രാംനാഥ് കോവിന്ദ്, ഉപരാഷ്ട്രപതി വെങ്കയ്യ നായിഡു, ലോക്സഭാ സ്പീക്ക‍ർ ഓംപ്രകാശ് ബി‍ർള എന്നിവ‍ർ ചടങ്ങിൽ പ്രധാനമന്ത്രിക്കൊപ്പം പങ്കെടുത്തു. ഇന്ത്യൻ ഭരണഘടനയുടെ ഡിജിറ്റൽ പതിപ്പ് ചടങ്ങിൽ രാഷ്ട്രപതി രാംനാഥ് കോവിന്ദ് പ്രകാശനം ചെയ്തു.