ഡല്ഹി : പ്രധാനമന്ത്രി നരേന്ദ്ര മോദി നുണകളുടെ രാജാവെന്ന് കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ. പാറ്റനയില് നടന്ന ആര്ജെഡിയുടെ ജന് വിശ്വാസ് മഹാറാലിയില് പങ്കെടുത്ത് സംസാരിക്കുകയായിരുന്നു ഖാര്ഗെ. ബിഹാറിലെ മഹാസഖ്യത്തിലേക്ക് ഇനിയൊരിക്കലും നിതീഷ് കുമാറിനെ തിരിച്ചെടുക്കരുതെന്നും തേജസ്വി യാദവിനോട് കോണ്ഗ്രസ് അധ്യക്ഷന് ആവശ്യപ്പെട്ടു.
മോദി ഈ രാജ്യത്തെ നശിപ്പിക്കുകയാണ്. മോദി രണ്ട് കോടി തൊഴില് നല്കിയോ എന്നും അദ്ദേഹം ചോദിച്ചു. മറ്റ് രാജ്യങ്ങളില് നിന്ന് കള്ളപ്പണം കൊണ്ടുവരുമെന്നും അദ്ദേഹം വാഗ്ദാനം ചെയ്തിരുന്നില്ലേ, എല്ലാവര്ക്കും വീടുകള് നിര്മിച്ച് നല്കുമെന്ന് പറഞ്ഞിരുന്നില്ലേയെന്നും ഖാർഗെ ചോദിക്കുന്നു.
