ബസ്തി : എല്ലാ ഇന്ത്യക്കാരെയും സുരക്ഷിതമായി നാട്ടിലെത്തിക്കുമെന്ന് പ്രധാനമന്ത്രി നരേന്ദ്രമോദി. ഇന്ത്യക്കാരെ തിരിച്ചുകൊണ്ടുവരും എല്ലാ മാര്ഗവും തേടും. എല്ലാവരും ഒന്നിച്ചു നില്ക്കേണ്ട സമയമാണിതെന്നും പ്രധാനമന്ത്രി പറഞ്ഞു. ‘ഓപ്പറേഷന് ഗംഗ യിലൂടെ 1000 പേരെ നാട്ടിലെത്തിക്കുന്നു. യുക്രൈയിനില് കുടുങ്ങിക്കിടക്കുന്ന നമ്മുടെ മക്കളെ എത്രയും പെട്ടെന്നു തിരികെ കൊണ്ടുവരും. ഇതിനായി സര്ക്കാര് രാവും പകലും പ്രവര്ത്തിക്കുകയാണ്. എത്ര പ്രതിസന്ധിയുണ്ടായാലും എല്ലാവരെയും ഇന്ത്യയിലെത്തിക്കും’- പ്രധാനമന്ത്രി പറഞ്ഞു.
ഉത്തര്പ്രദേശിലെ ബസ്തിയില് തെരഞ്ഞെടുപ്പ് പ്രചാരണ പരിപാടിയില് പങ്കെടുത്തു സംസാരിക്കുകയായിരുന്നു അദ്ദേഹം. പ്രതിപക്ഷത്തെ രൂക്ഷമായി വിമര്ശിക്കാനും മോദി മറന്നില്ല. നമ്മുടെ നാട്ടില് എണ്ണ ശുചീകരണശാലകളില്ല. പ്രതിപക്ഷം അതൊന്നും ശ്രദ്ധിച്ചില്ല. കരിമ്പ് ഉപയോഗിച്ച് എഥനോള് നിര്മിക്കും. നമ്മുടെ സര്ക്കാര് എഥനോള് പ്ലാന്റിന്റെ ശൃംഖല സ്ഥാപിക്കുന്നുവെന്നും മോദി പറഞ്ഞു.
