കോഴിക്കോട് : കാരുണ്യപ്രവര്ത്തകനെന്ന പേരില് പണം തട്ടിയ കേസിലെ പ്രതി പിടിയില്. വിദേശത്ത് ബിസിനസ് നടത്തുകയാണെന്ന വ്യാജേന പാവപ്പെട്ട പെണ്കുട്ടികളുടെ കല്യാണം നടത്തിക്കൊടുക്കുമെന്ന് തെറ്റിദ്ധരിപ്പിച്ചാണ് പണം തട്ടിയത്. തൃശൂര് എടക്കര ആവിയൂര് കുവ്വക്കോട്ട് കെ.കുഞ്ഞിമോനാണ് ശനിയാഴ്ച പോലീസിന്റെ പിടിയിലായത്. കോഴിക്കോട് നടക്കാവ് പോലീസാണ് പ്രതിയെ അറസ്റ്റ് ചെയ്തത്. പരപ്പനങ്ങാടി സ്വദേശി ഫൈസലിന്റെ മകളുടെ കല്യാണം നടത്തിക്കൊടുക്കുമെന്ന് പറഞ്ഞ് മൂന്നര പവന് സ്വര്ണം തട്ടിയെന്ന പരാതിയിലാണ് അറസ്റ്റ്.
