മലപ്പുറം : നഴ്സിങ് സീറ്റ് വാഗ്ദാനം നല്കി പണം തട്ടിയ പ്രതി പിടിയില്. ബംഗളൂരുവിലെ നഴ്സിങ് സ്ഥാപനത്തില് ബി എസ് സി നഴ്സിംഗിന് പഠിക്കുന്ന കല്പകഞ്ചേരി സ്വദേശിയായ വിദ്യാര്ത്ഥിയില് നിന്നും മറ്റൊരു സ്ഥാപനത്തില് നഴ്സിംഗിന് സീറ്റ് തരപ്പെടുത്തി തരാമെന്ന് പറഞ്ഞ് വിശ്വസിപ്പിച്ച് 50000 രൂപ ഗൂഗിള് പേ വഴി വാങ്ങിച്ച ശേഷം സീറ്റ് നല്കാതെ മുങ്ങി നടന്ന കോട്ടയം കുറുവിലങ്ങാട് സ്വദേശി തോമസ് ജോര്ജ്( 41 ) എന്നയാളെയാണ് മലപ്പുറം ജില്ലാ പോലീസ് മേധാവിയുടെ നിര്ദേശപ്രകാരം അറസ്റ്റ് ചെയ്തത്.
ഇന്സ്പെക്ടര് പി കെ .ദാസ് , എസ്ഐ പ്രദീപ് കുമാര് , എഎസ്ഐ. രാജേഷ്, ഡാന്സാഫ് സ്ക്വാഡ് അംഗങ്ങളായ ആല്ബിന് , അഭിമന്യു ,വിപിന് എന്നിവര് ചേര്ന്ന് ഒളിവില് താമസിച്ചിരുന്ന ഏറ്റുമാനൂരിലെ വാടക വീട്ടില് നിന്നാണ് പ്രതിയെ പിടികൂടിയത്. തിരൂര് കോടതിയില് ഹാജരാക്കിയ പ്രതിയെ റിമാന്റ് ചെയ്തു.
