കോഴിക്കോട്: ജോലി ചെയ്ത ഹോട്ടലില്‍ നിന്ന് രണ്ടുലക്ഷത്തിലേറെ രൂപ കവര്‍ന്ന യുവാവ് പിടിയില്‍. കൂത്തുപറമ്പ് പുത്തന്‍പുരയില്‍ പി.പി. മുഹമ്മദ് അറാഫത്തിനെയാണ് (19) ടൗണ്‍ എസ്‌.ഐ കെ.ടി. ബിജിത്തും സംഘവും അറസ്റ്റുചെയ്തത്. ലിങ്ക് റോഡിലെ ഹോട്ടലില്‍നിന്ന് 2,23,000 രൂപയാണ് അറാഫത്ത് കവര്‍ന്നത്.
മേശയില്‍ സൂക്ഷിച്ച പണം തിങ്കളാഴ്ച രാത്രി കവര്‍ന്ന് ടാക്സിയില്‍ തലശ്ശേരിയില്‍ പോയി ലോഡ്ജില്‍ താമസിക്കവേയാണ് പിടിയിലായത്. കവര്‍ന്ന പണമുപയോഗിച്ച്‌ പ്രതി 25,000 രൂപയുടെ മൊബൈല്‍ ഫോണ്‍ വാങ്ങുകയും 15,000 രൂപയോളം ചെലവാക്കുകയും ചെയ്തിയിട്ടുണ്ടെന്നും ബാക്കി തുക കണ്ടെത്തിയതായും പോലീസ് അറിയിച്ചു.
കവര്ച്ചയുമായി ബന്ധപ്പെട്ട് അറാഫത്തിനെ നേരത്തെ നല്ലളം പോലീസ് പിടികൂടിയിരുന്നുവെങ്കിലും പ്രായപൂര്ത്തിയാവാത്തതിനാല് കേസെടുത്തിരുന്നില്ല.
