തിരുവനന്തപുരം : സിവില് സപ്ലൈസ്, സപ്ലൈകോ, ലീഗല് മെട്രോളജി, സര്ക്കാര് പ്രസ്, ടെക്സ്റ്റ് ബുക്ക് അച്ചടി, പാസ്പോര്ട്ട് ഓഫീസ് ജീവനക്കാരെ കൊവിഡ് വാക്സിന് മുന്ഗണന പട്ടികയില് ഉള്പ്പെടുത്തി. മുഖ്യമന്ത്രി പിണറായി വിജയനാണ് വാര്ത്ത സമ്മേളനത്തില് ഇക്കാര്യം അറിയിച്ചത്. ഈ മാസം 31 മുതല് സെക്രട്ടറിയറ്റില് 50 ശതമാനം ജീവനക്കാര് ഹാജരാകണമെന്നും മുഖ്യമന്ത്രി പറഞ്ഞു.
ചകരിമില്ലുകള്ക്ക് കൊവിഡ് മാനദണ്ഡം പാലിച്ച് പ്രവര്ത്തിക്കാന് അനുമതി നല്കി. വളം, കീടനാശിനികള് വില്ക്കുന്ന കടകള് ആഴ്ചയില് ഒരുദിവസം തുറക്കാം. കൊവിഡ് മൂലം മരിക്കുന്നവരുടെ മൃതദേഹം മാറ്റുന്നതിലും സംസ്കരിക്കുന്നതിലും പ്രത്യേക ശ്രദ്ധ വേണം. മരിച്ചവരെ ഉടനെ വാര്ഡില് നിന്നും മാറ്റണമെന്നും മുഖ്യമന്ത്രി പറഞ്ഞു.
