പത്തനംതിട്ട : ഭരണസംവിധാനത്തെ കൂടുതല് ജനകീയമാക്കുകയാണ് സര്ക്കാര് ലക്ഷ്യമെന്നു ജില്ലാ കളക്ടര് എ. ഷിബു പറഞ്ഞു. മലയാളദിനം, ഭരണഭാഷാവാരാഘോഷം എന്നിവയുടെ സമാപനസമ്മേളനം കളക്ടറേറ്റ് കോണ്ഫറന്സ് ഹാളില് ഉദ്ഘാടനം ചെയ്യുകയായിരുന്നു അദ്ദേഹം. ഭരണസംവിധാനത്തോട് സാധാരണ ജനങ്ങളെ കൂടുതല് അടുപ്പിക്കുന്നതിനാണ് സംസ്ഥാനസര്ക്കാര് ഭരണഭാഷാവാരാഘോഷം പോലെയുള്ള പരിപാടികള് സംഘടിപ്പിക്കുന്നത്. ഭാഷാപരിജ്ഞാനം സര്ക്കാര് ജീവനക്കാര്ക്കിടയില് ഒന്നുകൂടി അരക്കിട്ടുറപ്പിക്കുന്നതിനായാണ് ഫയല് എഴുത്ത്, തര്ജ്ജമ പോലെയുള്ള മത്സരങ്ങളും ഇതിനോടൊപ്പം നടത്തുന്നതെന്നും അദ്ദേഹം പറഞ്ഞു.
ചടങ്ങില് ഭരണഭാഷാവാരാഘോഷവുമായി ബന്ധപ്പെട്ടു നടത്തിയ വിവിധ മത്സരങ്ങളില് വിജയികളായവര്ക്കു സമ്മാനങ്ങളും കളക്ടര് വിതരണം ചെയ്തു
ഉച്ഛാരണവും എഴുത്തുമാണ് ഓരോ വാക്കുകളേയും പൂര്ണമാക്കുന്നതെന്ന് മുഖ്യപ്രഭാഷണം നടത്തിയ കാതോലിക്കേറ്റ് കോളേജ് മലയാളവിഭാഗം റിട്ട. പ്രൊഫസര് മാലൂര് മുരളീധരന് പറഞ്ഞു. ആശയവിനിമയത്തിനുള്ള ഉപാധിയാണ് ഭാഷയെങ്കിലും ഭാഷയ്ക്ക് പ്രത്യേകമായ വ്യവസ്ഥ ആവശ്യമുണ്ട്. ചില ലോപിക്കലുകള് കാലക്രമേണയും ലിപി പരിഷ്ക്കരണത്തിലൂടെയും സംഭവിക്കുന്നു. എന്നാല് ഇവയില് ചിലത് അംഗീകരിക്കാന് സാധിക്കില്ല. ഭാഷയെന്നത് ആശയവിനിയമത്തിനുള്ള ഉപാധി എന്നതിനപ്പുറം പ്രത്യേകമായ ചട്ടക്കൂടില് നിലകൊള്ളുന്നതാണെന്നും അത് പലതരത്തിലുള്ള മാറ്റങ്ങള്ക്കും വിധേയമായിക്കൊണ്ടിരിക്കുകയാണെന്നും അദ്ദേഹം പറഞ്ഞു. എഡിഎം ബി രാധാകൃഷ്ണന് അധ്യക്ഷത വഹിച്ച ചടങ്ങില് ജില്ലാ ഇന്ഫര്മേഷന് ഓഫീസര് ശ്രീകാന്ത് എം ഗിരിനാഥ് സ്വാഗതം ആശംസിച്ചു. അസിസ്റ്റന്റ് എഡിറ്റര് രാഹുല് പ്രസാദ് നന്ദി പ്രകാശിപ്പിച്ചു. ചടങ്ങില് വിവിധ വകുപ്പ് -കളക്ട്രേറ്റ് ജീവനക്കാര്, വിദ്യാര്ഥികള് തുടങ്ങിയവര് പങ്കെടുത്തു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
