ലോകത്ത് ഏറ്റവും കൂടുതല് ആളുകള് ഡൗണ്ലോഡ് ചെയ്ത സോഷ്യല് മീഡിയ ആപ്ലിക്കേഷനായി ടിക്ടോക്. വാട്സ്ആപ്പ്, ഫെയ്സ്ബുക്ക് എന്നിവയെ മറികടന്നാണ് ചൈനീസ് ആപ്പായ ടിക്ടോകിന്റെ ഉയർന്ന് കയറ്റം. കോവിഡ് മഹമാരിക്കാലത്ത് ആണ് ലോകമെങ്ങും ടിക്ടോക്കിന് വലിയ ജനപ്രീതി കിട്ടിയത്. പ്രായഭേദമന്യേ വലിയ പിന്തുണ ആയിരുന്നു ടിക്ടോക്കിന് കിട്ടികൊണ്ടിരുന്നത്.
2017ലാണ് ചൈനീസ് സ്ഥാപനമായ ബൈറ്റ് ഡാന്സ് ടിക്ടോക്കിന്റെ ഇന്റര്നാഷ്ണല് വേര്ഷന് പുറത്തിറക്കുന്നത്. അതിര്ത്തിയില് ചൈനയുമായുള്ള സംഘര്ഷം രൂക്ഷമായതിനെ തുടര്ന്ന് ഇന്ത്യ ടിക്ടോക്ക് ഉള്പ്പടെയുള്ള ആപ്പുകള് നിരോധിച്ചിരുന്നു. ഇന്ത്യയായിരുന്നു ടിക്ടോക്കിന്റെ പ്രധാന വാണിജ്യ മേഖല.