കോട്ടയം : മുട്ടത്ത് വീടിനുള്ളില്‍ അമ്മയെയും മകനെയും മരിച്ചനിലയില്‍ കണ്ടെത്തി. കളത്തൂര്‍പ്പറമ്പില്‍ രാജമ്മ(75) മൂത്ത മകനായ സുഭാഷ് എന്നിവരെയാണ് ശനിയാഴ്ച രാവിലെ മരിച്ചനിലയില്‍ കണ്ടത്. അസുഖ ബാധിതയായി വളരെ നാളുകളായി കിടപ്പിലയിരുന്നു രാജമ്മ. രാജമ്മയും മകനും തനിച്ചാണ് വീട്ടില്‍ താമസിച്ചിരുന്നത്.
ശനിയാഴ്ച രാജമ്മയുടെ മറ്റൊരു മകന്‍ വീട്ടിലെത്തിയപ്പോളാണ് രണ്ടുപേരെയും മരിച്ചനിലയില്‍ കണ്ടത്. ഉടന്‍ പോലീസ് സ്ഥലത്തെത്തി പരിശോധന നടത്തി. പ്രാഥമികാന്വേഷണത്തില്‍ ദുരൂഹതയുള്ളതായി കാണുന്നില്ലെന്നും പോസ്റ്റ്‌മോര്‍ട്ടം റിപ്പോര്‍ട്ട് ലഭിച്ചാല്‍ മാത്രമേ മരണകാരണം വ്യക്തമാവുകയുള്ളൂവെന്നും പോലീസ് പറഞ്ഞു.
