റാന്നി : മാതൃകാപരമായ പ്രവർത്തനങ്ങൾക്കുള്ള അംഗീകാരം മോതിരവയല് യുവ ആർട്സ് & സ്പോട്സ് ക്ലബിന് ലഭിച്ചു. നെഹ്റു യുവ കേന്ദ്ര ജില്ലയിൽ നടത്തിയ ക്ലീൻ ഇന്ത്യ പ്രോഗ്രാമില് ജില്ലയിൽ മൂന്നാം സ്ഥാനം കരസ്ഥമാക്കിയാണ് ക്ലബ്ബ് അംഗീകാരം നേടിയത്. ഡെപ്യൂട്ടി സ്പീക്കർ ചിറ്റയം ഗോപകുമാർ അവാർഡു ദാനം നടത്തി. ഏറ്റവും നല്ല വോളന്റീയറിനുള്ള അവാർഡ് പി.എസ് ശിവകുമാറിനും ടി.എസ് അനീഷിനും ലഭിച്ചു.
നെഹ്റു യുവ കേന്ദ്ര ജില്ലയിൽ നടത്തിയ ക്യാച്ച് ദി റെയിൻ പരിപാടിയിൽ പ്രസംഗ മത്സരത്തിലും ഉപന്യാസ രജനയിലും ഒന്നാം സ്ഥാനം കരസ്ഥമാക്കി എസ് അനുപമയും രണ്ടും മൂന്നും സ്ഥാനം കരസ്ഥമാക്കി ലക്ഷ്മി അജികുമാർ, പി.എം അക്സ, നിസ്സി പി. ബാബു എന്നിവര് നേടി. നെഹ്റു യുവ കേന്ദ്ര ജില്ലാ യൂത്ത് ഓഫീസർ പി സന്ദീപ് കൃഷ്ണൻ, യുവജന ക്ഷേമബോർഡ് ജില്ലാ ഓഫീസർ ബീന എന്നിവരുടെ സാന്നിധ്യത്തിൽ അസിസ്റ്റന്റ് ജില്ലാ കളക്ടർ ഡോ.സന്ദീപ് മറ്റുള്ള അവാർഡുകള് വിതരണം ചെയ്തു.
