പത്തനംതിട്ട : ഓൺലൈൻ ക്ലാസുകൾ ആരംഭിക്കുമ്പോൾ മുഴുവൻ വിദ്യാർത്ഥികൾക്കും സൗകര്യങ്ങൾ ഉറപ്പുവരുത്താത്തതിനെതിരെ കേരളത്തിലെ 14 ജില്ലകളിലും വിദ്യാഭ്യാസ ഓഫീസുകള് ഉപരോധിക്കുന്നതിന്റെ ഭാഗമായി എം എസ് എഫ് പത്തനംതിട്ട ജില്ലാക്കമ്മിറ്റിയുടെ നേതൃത്വത്തിൽ ഡി ഇ ഓഫീസ് ഉപരോധിച്ചു.
ഓൺലൈൻ സൗകര്യം ഇല്ലാത്ത മൂന്നു ലക്ഷം വിദ്യാർത്ഥികൾക്ക് സർക്കാരിന്റെ സൗകര്യം ഒരുക്കുക, ഓൺലൈൻ പഠനത്തിന് അടിസ്ഥാന സൗകര്യം ഉറപ്പ് വരുത്തുക , ഉന്നത വിദ്യാഭ്യാസ മേഖലയിൽ ഓൺലൈൻ ക്ലാസ്സുകൾക്ക് അറ്റന്റൻസ് നിർബന്ധമാക്കാതിരിക്കുക തുടങ്ങിയ ആവശ്യങ്ങൾ ഉന്നയിച്ചാണ് ഉപരോധം നടത്തിയത്. എം സ് എഫ് സംസ്ഥാന സെക്രട്ടറി അഡ്വ. അൽത്താഫ് സുബൈർ ഉത്ഘാടനം ചെയ്തു. ഫിറോസ് വായ്പൂർ അധ്യക്ഷത വഹിച്ചു. തൗഫീഖ് കൊച്ചുപറമ്പിൽ സ്വാഗതം പറഞ്ഞു . യൂത്ത് ലീഗ് ജില്ലാ പ്രസിഡണ്ട് നിയാസ് റാവുത്തർ , ഫൈസൽ സുൽത്താൻ , ആൻസിൽ ഹസ്സൻ, ശിഹാബുദ്ധീൻ തുടങ്ങിയവർ പ്രസംഗിച്ചു.