ഹരിതയ്‌ക്കെതിരായ മുസ്ലിം ലീഗ് നടപടി കത്ത് നൽകിയെന്ന് എം.എസ്.എഫ് ; കത്ത് ലഭിച്ചിട്ടില്ലെന്ന് പി.എം.എ സലാം

കോഴിക്കോട് : ഹരിതയ്‌ക്കെതിരായ മുസ്ലിം ലീഗ് നടപടി പുനഃപരിശോധിക്കണമെന്ന് എംഎസ്എഫ് ജില്ല കമ്മറ്റികൾ. എം.എസ്.എഫ് സംസ്ഥാന സെക്രട്ടറി പി.കെ നവാസിനെതിരെ നടപടി ആവശ്യപ്പെട്ട് ജില്ലാ കമ്മിറ്റികൾ. 11 എം.എസ്.എഫ് ജില്ലാ കമ്മിറ്റികൾ മുസ്ലിം ലീഗ് നേതൃത്വത്തിന് കത്ത് നൽകി. എന്നാൽ എം.എസ്.എഫ് ജില്ല കമ്മറ്റികളുടെ കത്ത് ലഭിച്ചിട്ടില്ലെന്ന് മുസ്ലിം ലീഗ് സംസ്ഥാന ജനറൽ സെക്രട്ടറി പി.എം.എ സലാം. പി.കെ നവാസിനെതിരായ നടപടി വിശദികരണം ലഭിച്ച ശേഷം തീരുമാനിക്കും. പാർട്ടി തീരുമാനത്തിൽ നിലവിൽ മാറ്റമില്ലെന്ന് മുസ്ലിം ലീഗ് സംസ്ഥാന ജനറൽ സെക്രട്ടറി.