പാലക്കാട് : കെ.ജി.ഒ.എ സംസ്ഥാന പ്രസിഡന്റും സംസ്ഥാന ജനറല് സെക്രട്ടറിയുമായിരുന്ന ഡോ.എന്.എം മുഹമ്മദാലിയുടെ പേരിലുള്ള എന്ഡോവ്മെന്റ് അവാര്ഡിന് സിനിമ നടനും പൗരാവകാശ പ്രവര്ത്തകനുമായ പ്രകാശ് രാജ് അര്ഹനായതായി കെ.ജി.ഒ.എ ഭാരവാഹികള് വാര്ത്തസമ്മേനളത്തില് അറിയിച്ചു. 50,000 രൂപയും പ്രശസ്തിപത്രവും ഫലകവുമടങ്ങുന്ന അവാര്ഡ് ഞായറാഴ്ച പാലക്കാട് സൂര്യരശ്മി ഓഡിറ്റോറിയത്തില് നടക്കുന്ന ചടങ്ങില് സമ്മാനിക്കും.സ്പീക്കര് എം.ബി രാജേഷ് ഉദ്ഘാടനം ചെയ്യും. മന്ത്രി കെ.രാധാകൃഷ്ണന്, ഇ.പി ജയരാജന്, എ.കെ ബാലന് എന്നിവര് പങ്കെടുക്കും. മാധ്യമപ്രവര്ത്തകനും എം.പിയുമായ ജോണ് ബ്രിട്ടാസ് ചെയര്മാനും സിനിമ നിരൂപകന് എ.മീരസാഹിബ്, സാഹിത്യകാരി ഒ.ജി ഒലീന എന്നിവര് അംഗങ്ങളുമായ ജൂറിയാണ് അവാര്ഡ് പ്രഖ്യാപിച്ചത്.
