ചെന്നൈ : മുല്ലപ്പെരിയാറിലെ മരംമുറിക്കാന് അനുമതി തേടി തമിഴ്നാട് സുപ്രീം കോടതിയില്. അനുമതി നല്കിയുള്ള ഉത്തരവ് പുനഃസ്ഥാപിക്കണമെന്നാണ് ആവശ്യം. കേരളം അനുമതി റദ്ദാക്കിയത് കോടതിയലക്ഷ്യമെന്ന് തമിഴ്നാടിന്റെ വാദം. 2006 ല് സുപ്രിംകോടതി മരംമുറിക്കാന് നിര്ദേശം നല്കിയിട്ടുണ്ടെന്നാണ് തമിഴ്നാടിന്റെ വാദം.
വള്ളക്കടവ് റോഡിന്റെ അറ്റകുറ്റപ്പണിക്ക് നിര്ദേശം നല്കണമെന്നും തമിഴ്നാട് ആവശ്യപ്പെട്ടിട്ടുണ്ട്. നേരത്തെ കേരളസര്ക്കാരിന്റെ ഭാഗത്ത് നിന്ന് ബേബി ഡാമിന് സമീപത്ത് നില്ക്കുന്ന മരങ്ങള് മുറിക്കുന്നതിനുള്ള ഉത്തരവ് തമിഴ്നാടിന് ലഭിച്ചിരുന്നു. വിവാദങ്ങള് ഉയര്ന്നതിനെ തുടര്ന്ന് ഉത്തരവ് റദ്ദാക്കുകയായിരുന്നു.
