തൊടുപുഴ : മുല്ലപ്പെരിയാര് സ്പില്വേയില് രണ്ട് ഷട്ടറുകള് കൂടി തുറന്നു. ഷട്ടറുകള് ഉയര്ത്തിയത് 30 സെന്റീമീറ്റര് വീതമാണ്. 141.55 അടിയാണ് ഇപ്പോള് അണക്കെട്ടിലെ ജലനിരപ്പ്. ഇതിനെത്തുടര്ന്നാണ് രണ്ട് ഷട്ടറുകള് കൂടി തുറന്നത്. ഒരു ഷട്ടര് നേരത്തെ തുറന്നിരുന്നു. തമിഴ്നാട് ആകെ 1209.19 ക്യൂസെക്സ് ജലം പുറത്തുവിടുമെന്ന് അറിയിച്ചിട്ടുണ്ട്. പെരിയാര് നദിയുടെ ഇരുകരകളിലും താമസിക്കുന്നവര് ജാഗ്രത പാലിക്കണമെന്ന് കളക്ടര് മുന്നറിയിപ്പ് നല്കി.
