മുംബൈ: 1993ലെ മുംബൈ തുടര്സ്ഫോടനക്കേസില് ശിക്ഷിക്കപ്പെട്ട് നാസിക് ജയിലില് കഴിയുന്ന യൂസഫ് മേമന് (53) മരിച്ചു. മുംബൈ സ്പോടനത്തിന്റെ മുഖ്യ ആസൂത്രകന് ടൈഗര് മേമന്റെ സഹോദരനാണ്. ഹൃദയാഘാതത്തെ തുടര്ന്ന് വെള്ളിയാഴ്ച രാവിലെയായിരുന്നു അന്ത്യമെന്ന് ജയില് അധികൃതര് അറിയിച്ചു. വെള്ളിയാഴ്ച രാവിലെ യൂസഫ് മേമന് പക്ഷാഘാതം ഉണ്ടായതായി നാസിക് സെന്ട്രല് ജയില് സൂപ്രണ്ട് പറഞ്ഞു. തുടര്ന്ന് ആശുപത്രിയിലെത്തിച്ച് ചികിത്സ നല്കുന്നതിനിടെയാണ് മരണം. 260ലേറെ പേര് കൊല്ലപ്പെട്ട മുംബൈ സ്ഫോടനത്തില് ജീവപര്യന്തം ശിക്ഷയനുഭവിക്കുകയായിരുന്നു ഇയാള്.
