ഏറ്റുമാനൂര്: സുഹൃത്തിനെ കൊലപ്പെടുത്താന് ശ്രമിച്ച കേസില് യുവാവ് അറസ്റ്റില്. ഏറ്റുമാനൂര് കിഴക്കുംഭാഗം വെള്ളാരംപാറ വീട്ടില് അരുണ് രാജി (30) നെയാണ് ഏറ്റുമാനൂര് പോലീസ് അറസ്റ്റ് ചെയ്തത്.ഇയാള് തന്റെ സുഹൃത്തായ ബാബുവിനെ ആക്രമിച്ച് കൊലപ്പെടുത്താന് ശ്രമിക്കുകയായിരുന്നു.
ഒരുമിച്ച് ജോലി ചെയ്തിരുന്ന അരുണ് രാജും ബാബുവും തമ്മില് പ്രശ്നങ്ങള് നിലനിന്നിരുന്നു. ഇവര് ജോലിചെയ്യുന്ന സ്ഥലത്തുനിന്ന് ലഭിച്ച മൊബൈല് ഫോണിന്റെ പേരില് വാക്തര്ക്കം ഉണ്ടാകുകയും അരുണ്രാജ് ഓട് ഉപയോഗിച്ച് ബാബുവിന്റെ തലക്കടിക്കുകയുമായിരുന്നു. ഏറ്റുമാനൂര് എസ്.എച്ച്.ഒ രാജേഷ് കുമാര്, എസ്.ഐ വി.ജെ. സ്റ്റാന്ലി, സി.പി.ഒമാരായ മനോജ് എ.പി, ഡെന്നി, പ്രവീണ് എന്നിവര് ചേര്ന്നാണ് പ്രതിയെ അറസ്റ്റ് ചെയ്തത്. ഇയാളെ കോടതിയില് ഹാജരാക്കി റിമാന്ഡ് ചെയ്തു.