കൊച്ചി : വിനോദയാത്രയ്ക്കായി പുറപ്പെട്ട ടൂറിസ്റ്റ് ബസ് മോട്ടർ വാഹന വകുപ്പ് (എംവിഡി) പിടികൂടി. എറണാകുളം എടത്തല എംഇഎസ് കോളജില്നിന്നു യാത്ര പുറപ്പെട്ട ‘എക്സ്പോഡ്’ എന്ന ബസാണ് ആലുവ ജോയിന്റ് ആര്ടിഒ പിടികൂടിയത്. ബസില് ഒട്ടേറെ നിയമലംഘനങ്ങള് കണ്ടെത്തിയിട്ടുണ്ട്. ബോഡിയുടെ നിറം മാറ്റല്, അനധികൃത കൂട്ടിച്ചേര്ക്കലുകള് എന്നിവയ്ക്കൊപ്പം നിയമവിധേയമല്ലാത്ത ലൈറ്റുകള്, ഉയര്ന്ന ശബ്ദസംവിധാനം എന്നിവയും കണ്ടെത്തിയതായി അധികൃതര് വ്യക്തമാക്കി.
ബസ് കസ്റ്റഡിയിലെടുത്തതോടെ വിദ്യാര്ഥികളുടെ യാത്ര മുടങ്ങി. ബിഎഡ് സെന്ററിലെ 45 വിദ്യാർഥികൾ രണ്ടു ദിവസത്തെ കൊടൈക്കനാൽ യാത്രയാണ് നടത്താനിരുന്നത്. ആർടി ഓഫിസിൽ കോളജ് അധികൃതർ മുൻകൂട്ടി രേഖാമൂലം വിവരം നൽകി വാഹനം പരിശോധനയ്ക്ക് എത്തിക്കണമെന്ന വ്യവസ്ഥ പാലിച്ചിരുന്നില്ല.
