കോട്ടയം : കൊലപാതക കേസിലെ പ്രതി ജയില് ചാടി. പോലീസ് സ്റ്റേഷനു മുന്നില് വെച്ച് യുവാവിനെ തല്ലിക്കൊന്ന കേസിലെ പ്രതി ബിനുമോനാണ് ജയില് ചാടിയത്. കൊലപാതക കേസിന് പുറമേ മറ്റ് നിരവധി കേസുകളിലും പ്രതിയാണ് ബിനുമോന്. യുവാവിനെ തല്ലിക്കൊന്ന കേസില് അകത്തായ ബിനുമോന് സബ് ജയിലിലെ അടുക്കളയുടെ ഭാഗം വഴിയാണ് രക്ഷപ്പെട്ടത്.
കോട്ടയം ഈസ്റ്റ് പോലീസ് സ്റ്റേഷനു മുന്നില് വെച്ചാണ് ഇയാള് യുവാവിനെ തല്ലിക്കൊലപ്പെടുത്തിയത്. കേസില് കോട്ടയം സബ് ജയിലില് ശിക്ഷ അനുഭവിച്ചു വരുകയായിരുന്നു. സബ് ജയിലിലെ അടുക്കളയില് പലക വെച്ച്, അതുവഴിയാണ് ബിനുമോന് രക്ഷപ്പെട്ടത്. ഇയാളെ കണ്ടെത്താനുള്ള അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
