മുംബൈ : മഹാരാഷ്ട്രയില് 18 കാരനെ അജ്ഞാതര് തട്ടിക്കൊണ്ട് പോയി വെട്ടിക്കൊലപ്പെടുത്തിയെന്ന് പോലീസ് പറഞ്ഞു. താനെ ജില്ലയിലെ ഭിവണ്ടി പട്ടണത്തിലാണ് സംഭവം നടന്നത്. ഭോയ്വാഡ പോലീസ് സ്റ്റേഷനില് കൊലപാതകത്തിന് കേസ് രജിസ്റ്റര് ചെയ്തിട്ടുണ്ട്. അശോക് നഗര് നിവാസിയായ ഗുരാന് അസ്ഹര് ശെയ്ഖിനെ അജ്ഞാതരായ പ്രതികള് കൊണ്ടുപോയ ശേഷം ആളൊഴിഞ്ഞ സ്ഥലത്ത് വെച്ച് കൊലപ്പെടുത്തുകയായിരുന്നുവെന്ന് പോലീസ് അറിയിച്ചു. തല തകര്ന്ന നിലയിലാണ് അസ്ഹറിന്റെ മൃതദേഹം കണ്ടെത്തിയതെന്ന് പോലീസ് ഉദ്യോഗസ്ഥര് പറഞ്ഞു. പോസ്റ്റ് മോര്ട്ടത്തിന് ശേഷമേ കൂടുതല് വിവരങ്ങള് ലഭ്യമാവുകയുള്ളൂ. കൂടുതല് അന്വേഷണം നടക്കുകയാണെന്നും പോലീസ് അറിയിച്ചു.
