കൊച്ചി: മുത്തങ്ങ ഭൂസമരവുമായി ബന്ധപ്പെട്ട് പോലീസ് ഉദ്യോഗസ്ഥനെ വധിക്കാന് ശ്രമിച്ചെന്ന കേസില് വിധി പറഞ്ഞ വിചാരണക്കോടതിക്ക് ഹൈക്കോടതിയുടെ വിമര്ശനം. പ്രതികള്ക്ക് ശിക്ഷ വിധിച്ച കല്പ്പറ്റ സെഷന്സ് കോടതിയുടെ ഉത്തരവ് സൂക്ഷ്മമായി പരിശോധിക്കേണ്ടതുണ്ടെന്ന് ഹൈക്കോടതി വ്യക്തമാക്കി. വിധിയിലെ ഓരോ ഭാഗവും പ്രത്യേകമായി പരിശോധിക്കണമെന്നും കോടതി ചൂണ്ടിക്കാട്ടി.ALSO READ: ഇഡിക്കെതിരായ പ്രതിഷേധം: ആറ് സിപിഐഎം പ്രവര്ത്തകര്ക്ക് കൂടി ജാമ്യംപ്രഥമദൃഷ്ട്യാ കുറ്റം നിലനില്ക്കുമെന്ന് വിചാരണക്കോടതി അന്തിമവിധിയില് എഴുതിയതില് പിഴവുണ്ട്.
പ്രഥമദൃഷ്ട്യാ കുറ്റകൃത്യം നിലനില്ക്കുമെന്ന് അന്തിമവിധിയില് എങ്ങനെ പറയാനാകുമെന്നും ഹൈക്കോടതി നിരീക്ഷിച്ചു. കേസില് ശിക്ഷിക്കപ്പെട്ട ആദിവാസി ഗോത്രമഹാസഭാ നേതാവ് എം ഗീതാനന്ദന് ഉള്പ്പടെയുള്ളവര് സമര്പ്പിച്ച അപ്പീല് പരിഗണിക്കവെയാണ് കോടതിയുടെ നിരീക്ഷണം. പ്രതികളുടെ അപ്പീല് ഫയലില് സ്വീകരിച്ച കോടതി സിബിഐക്ക് നോട്ടീസയച്ചു. അപ്പീലില് സംസ്ഥാന സര്ക്കാരിനോടും കോടതി മറുപടി തേടി. അപ്പീല് അടുത്ത ബുധനാഴ്ച പരിഗണിക്കാന് മാറ്റി.
