വയനാട് : മുട്ടില് മരംമുറിക്കല് കേസിലെ മുഖ്യ പ്രതികളായ റോജി അഗസ്റ്റിന്, ജോസ് കുട്ടി അഗസ്റ്റില്, ആന്റോ അഗസ്റ്റിന് എന്നിവരെ ഇന്ന് ബത്തേരി കോടതിയില് ഹാജരാക്കും. നാല് ദിവസത്തേക്കായിരുന്നു സുല്ത്താന് ബത്തേരി ഒന്നാംക്ലാസ് ജുഡിഷ്യല് മജിസ്ട്രേറ്റ് കോടതി പ്രതികളെ പ്രത്യേക അന്വേഷണ സംഘത്തിന്റെ കസ്റ്റഡിയില് വിട്ടത്. കസ്റ്റഡി കാലാവധി ഇന്നവസാനിക്കും.
രണ്ടുദിവസത്തെ വിശദമായ ചോദ്യം ചെയ്യലിന് ശേഷം ഇന്നലെയാണ് മരംമുറിക്കല് നടന്ന മുട്ടിലിലെ സ്ഥലങ്ങളിലെത്തിച്ച് തെളിവെടുപ്പ് നടത്തിയത്. മുട്ടില് സൗത്ത് വില്ലേജിലെ പ്രദേശങ്ങളിലായിരുന്നു വ്യാഴാഴ്ച തെളിവെടുപ്പ്. മരംമുറിക്കലില് ആദ്യം കേസെടുത്ത വനംവകുപ്പും പ്രതികള്ക്കായി ഉടന് കസ്റ്റഡി പേക്ഷ സമര്പ്പിക്കും. പ്രതികളെ ഓരോരുത്തരെയും പ്രത്യേകമായി അന്വേഷണസംഘം ചോദ്യം ചെയ്തു. അഗസ്റ്റിന് സഹോദരന്മാരടക്കം ആറുപേരാണ് മുട്ടില് മരംമുറിക്കല് കേസില് ഇതിനോടകം അറസ്റ്റിലായത്.