ചിറ്റാർ : ലോക്ഡൗണിൽ ദുരിതമനുഭവിക്കുന്ന മൂഴിയാർ വനമേഖലയിലെ കാടിന്റെ മക്കളുടെ ഊരുകളിലേക്ക് കനിവും കരുതലുമായി ചിറ്റാർ ഗവ: ഹയർ സെക്കണ്ടറി സ്കൂളിലെ സ്റ്റുഡന്റ് പോലീസ് കേഡറ്റ്സ് ടിം എത്തി കിറ്റുകൾ നൽകി. ആദിവാസി ഊരിലെ അന്തേവാസികൾക്ക് സുരക്ഷാമാർഗ്ഗ നിർദ്ദേശങ്ങൾ നൽകിയതിനൊപ്പം ചിറ്റാർ വി കെ എൽ ഗ്രൂപ്പിന്റെ സഹായത്തോടെ സഹാഹരിച്ച ഔഷധങ്ങൾ, വസ്ത്രങ്ങൾ, ഭക്ഷ്യവസ്തുക്കൾ എന്നിവയടങ്ങിയ കിറ്റുകളും വിതരണം ചെയ്തു.
മൂഴിയാർ സായിപ്പുംകുഴി ആദിവാസി ഊരിൽ നർക്കോട്ടിക് സെൽ ഡിവൈഎസ്പി പ്രദീപ് കുമാർ വിതരണം ഉദ്ഘാടനം ചെയ്തു. എഡിഎൻഒ സുരേഷ് കുമാർ, ചിറ്റാർ സ്കൾ സി പി ഒ അബ്ദുൾ സലാം, എസി പി ഒ ശശികല, പിടിഎ പ്രസിഡന്റ് കെ ജി അനിൽകുമാർ, എസ് എം സി ചെയർമാർ രജി തോപ്പിൽ, അധ്യാപിക ശ്രീരേഖ ഹരീഷ്, പ്രോഗ്രാം കോ-ഓർഡിനറ്റർമാരായ രജിത്, സുരേഷ്, മൂഴിയാർ സ്കൂൾ അധ്യാപകൻ സുനിൽ കുമാർ എന്നിവർ നേതൃത്വം നൽകി.
