തിരുവനന്തപുരം: മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ രാഗേഷിനെതിരെ ഗവര്ണര് പറഞ്ഞത് ശുദ്ധ അസംബന്ധമെന്ന് സി.പി.എം സംസ്ഥാന സെക്രട്ടറി എം.വി.ഗോവിന്ദന്. ഗവര്ണര് പ്രതിപക്ഷത്തിന്റെ ചുമതലയേറ്റിരിക്കുകയാണ്. ആര്.എസ്.എസിന്റെ വക്താവ് എന്ന് പറയുന്ന ഗവര്ണറെക്കുറിച്ച് എന്ത് പറയാനാണെന്നും അദ്ദേഹം ചോദിച്ചു. നിയമപരമായും ഭരണഘടനാപരമായും പ്രവര്ത്തിച്ചാല് ഗവര്ണറെ ബഹുമാനിക്കുമെന്നും എം.വി.ഗോവിന്ദന് തൃശൂരില് പറഞ്ഞു. ചരിത്ര കോണ്ഗ്രസില് തനിക്കെതിരെ പ്രതിഷേധിച്ചവരുടെ അറസ്റ്റ് തടഞ്ഞത് അന്ന് എം.പിയായിരുന്ന കെ.കെ.രാഗേഷാണന്ന ഗവർണറുടെ ആരോപണത്തോട് പ്രതികരിക്കുകയായിരുന്നു അദ്ദേഹം.
