കണ്ണൂര്: പി ജയരാജന്റെ മകന് ജയിന് രാജിനെതിരെ സിപിഎം കണ്ണൂര് ജില്ലാ സെക്രട്ടറി എംവി ജയരാജന്. പാര്ട്ടി അംഗങ്ങള്ക്കുള്ള മാര്ഗരേഖ പാര്ട്ടി ബന്ധുക്കളും പിന്തുടരണമെന്ന് എംവി ജയരാജന് പറഞ്ഞു. സാമൂഹിക മാധ്യമങ്ങളില് സഭ്യമായ ഭാഷ പ്രയോഗിക്കണമെന്നും എംവി ജയരാജന് പറഞ്ഞു. പാനൂര് ഏരിയാ കമ്മറ്റി അംഗം കിരണിനെതിരായ ആരോപണം തെറ്റാണ്. സ്വര്ണക്കടത്ത് സംഘവുമായി കിരണിന് ബന്ധമില്ല. ജയിന് പോസ്റ്റ് ചെയ്ത തെറിവിളി സ്ക്രീന് ഷോട്ട് ഒരു വര്ഷം മുന്പുള്ളതാണ്. അതില് തിരുത്തല് നടപടി എടുത്തെന്നും എംവി ജയരാജന് പറഞ്ഞു.
അതേസമയം പി ജയരാജന്റെ മകന് ജയിന് രാജിനെതിരെ ഡിവൈഎഫ്ഐ കണ്ണൂര് ജില്ലാ സെക്രട്ടറിയേറ്റ് ഇന്നലെ രംഗത്തെത്തിയിരുന്നു. സംഘടനയെ അപകീര്ത്തിപ്പെടുത്താനുള്ള നീക്കമെന്നു വിശദീകരിച്ച് കൊണ്ടാണ് ഡിവൈഎഫ്ഐ രംഗത്തെത്തിയത്. ജയിനിന്റെ പേരെടുത്തു പറയാതെയാണ് ഡിവൈഎഫ്ഐ വിമര്ശനം.
