കൊച്ചി : പാലക്കാട് വടക്കഞ്ചേരി അപകടത്തിന്റെ പശ്ചാത്തലത്തില് സംസ്ഥാനത്ത് പലയിടത്തും വാഹന പരിശോധന ശക്തമാക്കി മോട്ടോര് വാഹന വകുപ്പ്.കൊല്ലത്തും എറണാകുളത്തും കോട്ടയത്തും വിനോദയാത്രക്ക് പോകാനിരുന്ന ബസുകള് തടഞ്ഞു. ബസുകള് മാനദണ്ഡങ്ങള് പാലിക്കാത്തതിനെ തുടര്ന്നാണ് എംവിഡി വിലക്കിയത്.
എറണാകുളം അങ്കമാലി സെന്റ്. പാട്രിക് സ്കൂളിലെ വിനോദയാത്ര മോട്ടര് വാഹന വകുപ്പിന്റെ അനുമതിയില്ലാത്തതിനാല് മാറ്റിവെച്ചു. 17 ടൂറിസ്റ്റ് ബസുകളിലായാണ് വിനോദയാത്ര പോകാനിരുന്നത്. പരിശോധനയില് ചില ബസുകള് മാനദണ്ഡങ്ങള് പാലിച്ചിരുന്നില്ലെന്ന് കണ്ടെത്തിയതിനെ തുടര്ന്നാണ് മോട്ടോര് വാഹന വകുപ്പ് യാത്രയ്ക്ക് അനുമതി നിഷേധിച്ചത്.
