കോഴിക്കോട് : പി.എ.ഫ്ഐ പ്രവര്ത്തകരെ ലീഗിലേക്ക് കൊണ്ടുവരണമെന്ന കെ.എം ഷാജിയുടെ പ്രസ്താവനക്കെതിരെ പി കെ കുഞ്ഞാലിക്കുട്ടി. കൊലക്കത്തിക്ക് ലീഗുകാര് ഇരയായിട്ടുണ്ടെന്ന് കുഞ്ഞാലിക്കുട്ടിയുടെ ഓര്മ്മപ്പെടുത്തല്. ലീഗ് ഉണ്ടാക്കിവെച്ച തണലിലാണ് ഇവരുടെ അഭ്യാസം. പ്രതിഷേധിക്കേണ്ട സ്ഥലത്ത് പ്രകടനം നടത്താന് പോലും കഴിയാത്തവര് ഭീരുക്കളാണെന്നും വിമര്ശനം.
പി.എ.ഫ്ഐ നിരോധനത്തിന് ശേഷം കെ എം ഷാജി നടത്തിയ വിവാദ പ്രസംഗമാണിത്. പി.എ.ഫ്ഐ പ്രവര്ത്തകരെ ലീഗിലേക്ക് കൊണ്ടുവരണമെന്ന കെ.എം ഷാജിയുടെ പ്രസ്താവന വന്നതിന് ശേഷമാണ് കടുത്ത പി.എ.ഫ്ഐ വിരുദ്ധ നിലപാടുമായി കുഞ്ഞാലിക്കുട്ടി രംഗത്ത് വന്നത്. കഴിഞ്ഞ ദിവസം നാദാപുരത്ത് സംഘടിപ്പിച്ച എം.എസ്.എഫ് പൊതുസമ്മേളനത്തിലാണ് കുഞ്ഞാലിക്കുട്ടി പി.എ.ഫ്ഐ വിരുദ്ധ നിലപാട് വ്യക്തമാക്കിയത്. പി.എ.ഫ്ഐ കൊലക്കത്തിക്ക് ലീഗുകാര് ഇരയായിട്ടുണ്ടെന്ന് കുഞ്ഞാലിക്കുട്ടി ഓര്മ്മപ്പെടുത്തി.
