കൊച്ചി : നിയമസഭാ തെരഞ്ഞെടുപ്പില് വോട്ടു ചെയ്യാതിരിക്കാന് ബി.ജെ.പി നേതാക്കള് രണ്ട് ലക്ഷം രൂപ കോഴ നല്കിയതായി എന്.എ നെല്ലിക്കുന്ന് എം.എല്.എ മുഖ്യമന്ത്രിക്ക് പരാതി നല്കി. കാസര്കോട് മധൂര് പഞ്ചായത്തിലെ പതിനൊന്നാം വാര്ഡില് പെട്ട ന്യൂനപക്ഷ വിഭാഗങ്ങളുടെ വീടുകളിലാണ് ഇത്തരത്തില് പണം വിതരണം ചെയ്തതെന്നാണ് ആരോപണം.
ഏപ്രില് അഞ്ചിന് രാത്രി മൂവായിരം രൂപ മുതല് ആറായിരം രൂപ വരെ കോഴ നല്കിയിട്ടുണ്ടെന്ന് എന്.എ നെല്ലിക്കുന്ന് മുഖ്യമന്ത്രിക്ക് നല്കിയ പരാതിയില് പറയുന്നു. ബി.ജെ.പിയുടെ പ്രാദേശിക നേതാക്കളുടെ നേതൃത്വത്തില് വീടുകള് സന്ദര്ശിച്ച് വോട്ട് ബഹിഷ്കരിക്കണം എന്നാവശ്യപ്പെട്ടാണ് പണം നല്കിയതെന്നും പരാതിയില് ചൂണ്ടിക്കാട്ടുന്നു.
പ്രാദേശിക യു.ഡി.എഫ് നേതാക്കള് വിവരം ശ്രദ്ധയില്പ്പെടുത്തിയതിനെ തുടര്ന്ന് പിറ്റേന്ന് തന്നെ തെരഞ്ഞെടുപ്പു കമ്മിഷനു പരാതി നല്കിയിരുന്നുവെന്ന് എന്.എ.നെല്ലിക്കുന്ന് എം.എല്.എ പറഞ്ഞു. സംഭവത്തില് അന്വേഷണം നടത്താമെന്ന് മുഖ്യമന്ത്രി ഉറപ്പു നല്കിയതായും അദ്ദേഹം പറഞ്ഞു. മഞ്ചേശ്വരം മണ്ഡലത്തിലെ എതിര് സ്ഥാനാര്ഥിക്കു പണം നല്കിയെന്ന കേസില് ക്രൈംബ്രാഞ്ച് അന്വേഷണം നേരിടവെയാണ് തൊട്ടടുത്ത മണ്ഡലത്തിലെ വോട്ടര്മാര്ക്കു പണം നല്കിയെന്ന പരാതിയും ബി.ജെ.പിക്കെതിരെ ഉയരുന്നത്.