ഗൂഡല്ലൂര് : നാടുകാണി ചുരത്തില് താഴെ നാടുകാണിക്ക് സമീപം ലോറി മറിഞ്ഞു. കേരളത്തില് നിന്ന് പ്ലൈവുഡ് കയറ്റി കര്ണാടക ഭാഗത്തേക്ക് പോവുകയായിരുന്ന ലോറിയാണ് മറിഞ്ഞത്. ഇതേ തുടര്ന്ന് ഗതാഗതം തടസ്സപ്പെട്ടു. ലോറിയിലുണ്ടായിരുന്നവര് ചെറിയ പരിക്കുകളോടെ രക്ഷപ്പെട്ടു. ഞായറാഴ്ച വൈകീട്ടാണ് അപകടം. ഒരു മാസത്തിനിടെ അഞ്ചാമത്തെ ലോറിയാണ് ചുരത്തിന് സമീപത്തായി മറിയുന്നത്.
അപകടങ്ങള് പതിവായിട്ടും അധികൃതര് തിരിഞ്ഞ് നോക്കുന്നില്ലെന്നാണ് നാട്ടുകാരുടെ പരാതി. വഴിക്കടവ് വഴി കേരളത്തില് നിന്നും വയനാട്, നീലഗിരി, മൈസൂരു ഭാഗത്തേക്കും തിരിച്ചും കേരളത്തിലേക്കും അന്തര്സംസ്ഥാന ബസ് സര്വീസുകളും ചരക്കുലോറികളും നാടുകാണി ചുരം വഴിയാണ് കടന്നു പോകുന്നത്.
