എറണാകുളo : സംസ്ഥാനത്ത് കൊവിഡ് വ്യാപന പശ്ചാത്തലത്തില് എറണാകുളത്തും ജാഗ്രതാ നിര്ദേശം. എറണാകുളത്ത് ടിപിആര് തുടര്ച്ചയായ മൂന്നാം ദിവസവും 30 ശതമാനത്തിന് മുകളിലാണെന്ന് ആരോഗ്യവകുപ്പ് അറിയിച്ചു. സംസ്ഥാനത്ത് കൊവിഡ് വ്യാപനം രൂക്ഷമായ സാഹചര്യത്തില് നിയന്ത്രണങ്ങള് കടുപ്പിക്കുകയാണ് ആരോഗ്യവകുപ്പ്. കോഴിക്കോട് ബീച്ചുകളിലും മാളുകളിലും ഇന്ന് മുതല് കര്ശന പരിശോധനയുണ്ടാകും.
ജില്ലയില് വിദ്യാഭ്യാസ സ്ഥാപനങ്ങള് ഉള്പ്പെടെ 11 കേന്ദ്രങ്ങളില് കൊവിഡ് ക്ലസ്റ്ററുകള് രൂപപ്പെട്ടു. നിലവിലെ സാഹചര്യത്തില് പരിശോധനകളുടെ എണ്ണം വര്ധിപ്പിക്കും. രോഗികളോ സമ്പര്ക്കമുള്ളവരോ ക്വാറന്റൈനില് അലംഭാവം കാണിക്കരുതെന്നും ജില്ലയില് അതീവ ജാഗ്രത വേണമെന്നും ആരോഗ്യ വകുപ്പ് മുന്നറിയിപ്പു നല്കിയിട്ടുണ്ട്.
