ഓച്ചിറ : ഷോപ്സ് ആന്ഡ് കൊമേഴ്സ്യല് എംപ്ലോയീസ് യൂണിയന് (സി.ഐ.ടി.യു) ശൂരനാട് ഏരിയാ സമ്മേളനം നടന്നു. സി.ഐ.ടി.യു ജില്ലാ ജോയിന്റ് സെക്രട്ടറി എം.ശിവശങ്കരപിള്ള ഉദ്ഘാടനം ചെയ്തു. യൂണിയന് ഏരിയാ പ്രസിഡന്റ് എ. അജ്മല് അദ്ധ്യക്ഷത വഹിച്ചു. മുതിര്ന്ന തൊഴിലാളികളെ ഷോപ് സ് ഫെഡറേഷന് സംസ്ഥാന ജനറല് സെക്രട്ടറി പി.സജി ആദരിച്ചു.
ഏരിയാ സെക്രട്ടറി വി. രാമകൃഷ്ണപിള്ള പ്രവര്ത്തന റിപ്പോര്ട്ടും ജില്ലാ പ്രസിഡന്റ് എഴുകോണ് സന്തോഷ് സംഘടനാ വിപുലീകരണ രേഖയും അവതരിപ്പിച്ചു. സി.ഐ.ടി.യു ഏരിയാ സെക്രട്ടറി കെ.കെ. ഡാനിയേല്, എസ്.ജിജി, സുരേഷ് നാറാണത്ത്, ലളിതാ ശിവരാമന്, എ.സാബു തുടങ്ങിയവര് സംസാരിച്ചു.
