പത്തനംതിട്ട: പത്തനംതിട്ട നഗരത്തിലെ ഹോട്ടലുകളില് നിന്നും പഴകിയ ഭക്ഷണപദാര്ത്ഥങ്ങള് പിടികൂടി. പത്തനംതിട്ട നഗരസഭാ ആരോഗ്യ വിഭാഗത്തിന്റെ നേതൃത്വത്തിൽ നടത്തിയ പരിശോധനയിലാണ് പഴകിയ ഭക്ഷണങ്ങള് കണ്ടെത്തി നശിപ്പിച്ചത്. അങ്കിൾസ് ഹോട്ടൽ, അമാനി റസ്റ്റോറന്റ്, ഡയാന ഹോട്ടൽ, ഹെ ഡേ ബാർ, മുത്തൂറ്റ് ഹോസ്പിറ്റൽ കാൻറീൻ, ബെസ്റ്റ് ബേക്കറി ബോർമ എന്നിവിടങ്ങളിൽ നടത്തിയ പരിശോധനയിൽ പഴകിയതും മനുഷ്യ ഉപയോഗയോഗ്യമല്ലാത്തതുമായ ഭക്ഷണപദാർത്ഥങ്ങൾ പിടിച്ചെടുത്തു.
സ്ഥാപനങ്ങള്ക്ക് നിയമപരമായ പിഴ ചുമത്തിയിട്ടുണ്ടെന്നും ന്യൂനതകൾ അടിയന്തിരമായി പരിഹരിക്കുന്നതിന് നോട്ടീസ് നൽകിയിട്ടുണ്ടെന്നും മുനിസിപ്പൽ സെക്രട്ടറി അറിയിച്ചു. വരും ദിവസങ്ങളിൽ പരിശോധന കൂടുതൽ കർശനമാക്കുമെന്നും ഇക്കാര്യത്തില് വിട്ടുവീഴ്ച ഉണ്ടാകില്ലെന്നും പത്തനംതിട്ട നഗരസഭ വുക്തമാക്കി. നഗരസഭാ ഹെൽത്ത് സൂപ്പർവൈസർ മുഹമ്മദ് ഫൈസലിന്റെ നേതൃത്വത്തിൽ നടത്തിയ പരിശോധനയില് ഹെൽത്ത് ഇൻസ്പെക്ടർമാരായ ദീപു രാഘവൻ, സുജിത എസ് പിള്ള തുടങ്ങിയവർ പങ്കെടുത്തു.