കോന്നി : കോന്നി ഫോറെസ്റ്റ് ഡിവിഷൻ കീഴിലെ പാടം ഫോറെസ്റ്റ് സ്റ്റേഷൻ പരിധിയിൽ കലഞ്ഞൂർ വാഴപ്പാറ ഭാഗത്ത് നഗർവാടിക പദ്ധതിക്ക് തുടക്കം കുറിച്ചു. കലഞ്ഞൂർ ഗ്രാമപഞ്ചായത്ത് അംഗം കെ സോമൻ വൃഷതൈ നട്ട് ഉദ്ഘാടനം ചെയ്തു. നടുവത്തുമൂഴി റേഞ്ച് ഫോറെസ്റ്റ് ഓഫീസർ ശരത്ചന്ദ്രൻ, പാടം ഡെപ്യൂട്ടി റേഞ്ച് ഫോറെസ്റ്റ് ഓഫീസർ അനിൽ ബേബി, വനസംരക്ഷ സമിതി പ്രസിഡന്റ് രതീഷ് വലിയകോൺ, സമിതി സെക്രട്ടറി ജി. ബിനോദ് കുമാർ എന്നിവർ ആശംസകൾ അർപ്പിച്ചു. വനവത്കരണം നടത്തി പ്രദേശവാസികൾക്കും വിദ്യാർഥികൾക്കും മറ്റ് പരിസ്ഥിതി സ്നേഹികൾക്കും പ്രയോജനപ്രദമായ തരത്തിൽ നക്ഷത്രവനം, സ്മൃതി വനം, ഇൻഫർമേഷൻ സെന്റർ, ഡോർമിറ്ററി, അമിനിറ്റി സെന്റർ എന്നിവ തയാറാക്കുകയാണ് നഗർവാടിക പദ്ധതി വിഭാവനം ചെയ്യുന്നത്.
