തിരുവനന്തപുരം : ഐഎസ്ആര്‍ഒ ചാരക്കേസ് ചോദ്യം ചെയ്യലിനിടെ ഐബി ഉദ്യോഗസ്ഥർ നമ്പി നാരായണനെ മർദ്ദിച്ചെന്ന് സിബിഐ. ആർ.ബി ശ്രീകുമാറിന്‍റെയും സിബി മാത്യൂസിന്‍റെയും സാന്നിധ്യത്തിലായിരുന്നു മർദ്ദിച്ചതെന്നും, മര്‍ദ്ദനത്തില്‍ നമ്പി നാരായണന് കാലിന് പരിക്കേറ്റിട്ടുണ്ടെന്നും, സിബിഐ കോടതിയിൽ പറഞ്ഞു. സിബി മാത്യൂസിന്‍റെ മുൻകൂർ ജാമ്യത്തിനെ എതിർത്തുകൊണ്ടാണ് സിബിഐയുടെ ഈ വാദം.
തിരുവനന്തപുരം ജില്ലാ കോടതിയിലാണ് സിബിഐ വാദങ്ങള്‍ ഉന്നയിച്ചത്. രാജ്യസുരക്ഷയെ ബാധിക്കുന്ന കേസ് ആയതിനാൽ ഗൂഢാലോചന കേസിൽ പ്രതികളെ കസ്റ്റഡിയിലെടുത്ത് ചോദ്യം ചെയ്യണമെന്നും, കേസിൽ രഹസ്യ സ്വഭാവത്തോടെയുള്ള അന്വേഷണം ആവശ്യമാണെന്നും സിബിഐ കോടതിയില്‍ പറഞ്ഞു.
