നന്മ പബ്ലിക് ലൈബ്രറിയുടെ വാർഷിക സമ്മേളനവും ഓണാഘോഷവും നടത്തി

പത്തനംതിട്ട: കുലശേഖരപതി നന്മ പബ്ലിക് ലൈബ്രറിയുടെ വാർഷിക സമ്മേളനവും ഓണാഘോഷവും മുനിസിപ്പൽ ചെയർമാൻ അഡ്വ.റ്റി.സക്കീർ ഹുസൈൻ ഉദ്ഘാടനം ചെയ്തു. പ്രസിഡന്റ് എ.അഷറഫ് അധ്യക്ഷത വഹിച്ചു. ലൈബ്രറി കൗൺസിൽ താലൂക്ക് പ്രസിഡന്റ് ബിജു എം. വർഗീസ് മുഖ്യപ്രഭാഷണം നടത്തി. ലൈബ്രറി സെക്രട്ടറി എ.എസ്.എം. ഹനീഫ, അൻസാരി അസീസ്, സക്കീർ അലങ്കാരത്ത്, അനു മാത്യു ജോർജ്, യഹിയാക്കുട്ടി, സേതു മണ്ണുങ്കൽ, അഡ്വ.ഷിനാജ് ലത്തീഫ്, അഡ്വ. ഷാനു എം.എസ്, അജീസ് മുഹമ്മദ്, അഹമ്മദ് ഇസ്മയിൽ, ബിന്ദു എം.ഡി., മഞ്‌ജു ഹനീഫ, ഷംല ഹമീദ്, ശ്രീനാഥ് എസ്., റാണി രാജീവ്, സഫിയ എച്ച്. എന്നിവർ പ്രസംഗിച്ചു.