അത്തിക്കയം: നാറാണംമൂഴി ഗ്രാമ പഞ്ചായത്ത് കേരളോത്സവം ആരംഭിച്ചു. ഗ്രാമ പഞ്ചായത്ത് പ്രസിഡണ്ട് സോണിയ മനോജ് ഉദ്ഘാടനം നിർവഹിച്ചു. വൈസ് പ്രസിഡന്റ് രാജൻ നീറംപ്ലാക്കൽ അധ്യക്ഷത വഹിച്ചു. പഞ്ചായത്ത് അംഗങ്ങളായ അഡ്വ. സാംജി ഇടമുറി, തോമസ് ജോർജ്, ആനിയമ്മ അച്ചൻകുഞ്ഞ്, ഓമന പ്രസന്നൻ, മിനി ഡൊമിനിക്, റോസമ്മ വർഗീസ്, യൂത്ത് കോഡിനേറ്റർ ഷിജോ ചേന്നമല, ഷിബു തോണിക്കടവിൽ, ജെയിംസ് കക്കാട്ടുകുഴിയിൽ, ഷിനു ഈന്തനാലിൽ എന്നിവർ പ്രസംഗിച്ചു. കക്കുടമണ്ണിൽ നടന്ന വോളിബോൾ മത്സരത്തിൽ ത്രീസ്റ്റാർ കക്കുടുമൺ ജേതാക്കളായി.
കലാ മത്സരങ്ങൾ പഞ്ചായത്ത് ഹാളിൽ നടന്നു. ബാഡ്മിന്റൺ ചെസ് മത്സരങ്ങൾ ചെമ്പനോലി സെന്റ് സെബാസ്റ്റ്യൻ പള്ളി ഓഡിറ്റോറിയത്തിൽ പൂർത്തീകരിച്ചു. അത്ലറ്റിക്സ്, ഫുട്ബോൾ മത്സരങ്ങൾ ഇടമുറി ഗവ. ഹയർ സെക്കണ്ടറി സ്ക്കൂൾ ഗ്രൗണ്ടിൽ നടന്നു. ക്രിക്കറ്റ് മത്സരത്തിന് ശേഷം സമാപന സമ്മേളനവും സമ്മാന വിതരണവും 28 ഞായറാഴ്ച 5 മണിക്ക് ബ്ലോക്ക് പഞ്ചായത്ത് പ്രസിഡന്റ് കെ എസ് ഗോപി ഇടമുറിയിൽ ഉദ്ഘാടനം ചെയ്യും.
