പാലക്കാട് : നശാ മുക്ത് ഭാരത് അഭിയാന്റെ ഭാഗമായി സാമൂഹ്യനീതി വകുപ്പ് പാലക്കാട് ജില്ലാ ഓഫീസും എൻ.എസ്.എസ് ആസാദ് സേനയും സംയുക്തമായി ജില്ലയിലെ എൻ.എസ്.എസ് വോളണ്ടിയർമാർക്ക് ഏകദിന ലഹരിവിരുദ്ധ ശില്പശാല നടത്തി. പാലക്കാട് ഗവ.പോളിടെക്നിക് കോളേജിൽ നടന്ന ശില്പശാല ജില്ലാ കളക്ടർ കെ.സുധീർ ഉദ്ഘാടനം ചെയ്തു. കോളേജ് പ്രിൻസിപ്പൽ ഡോ.കെ.എം മുഹമ്മദ് സുധീർ അധ്യക്ഷത വഹിച്ചു. ജില്ലാ സാമൂഹ്യനീതി ഓഫീസർ കെ.ജി രാഗപ്രിയ, എൻ.എസ്.എസ് ടെക്നിക്കൽ സെൽ സംസ്ഥാന കോ-ഓർഡിനേറ്റർ ബി.സുനിൽകുമാർ, മൂസ പതിയിൽ …..
എൻ.എസ്.എസ് ആസാദ് സേന ജില്ലാ കോ-ഓർഡിനേറ്റർ എൻ.വി ജിതേഷ്, ബ്രഹ്മ നായകം മഹാദേവൻ, ജനമൈത്രി അസിസ്റ്റന്റ് ഡിസ്ട്രിക്ട് നോഡൽ ഓഫീസർ വി.അറുമുഖൻ, ആദർശ് എന്നിവർ സംസാരിച്ചു. ജില്ലയിലെ ഐ.ടി.ഡി സെൽ, കാലിക്കറ്റ് യൂണിവേഴ്സിറ്റി സെൽ, ഐ.എച്ച്.ആർ.ഡി സെൽ, എ.പി.ജെ അബ്ദുൽ കലാം ടെക്നിക്കൽ യൂണിവേഴ്സിറ്റി സെൽ, ഹെൽത്ത് യൂണിവേഴ്സിറ്റി സെൽ, ടെക്നിക്കൽ സെൽ തുടങ്ങി കോളേജ് തലത്തിൽ ഉള്ള എൻ.എസ്.എസ് യൂണിറ്റുകളിലെ 130 വളണ്ടിയർമാർ പരിപാടിയില് പങ്കെടുത്തു.
